അന്താരാഷ്ട്ര തലത്തിൽ തിളങ്ങി : മോണ്ടിസോറി

അന്താരാഷ്ട്ര തലത്തിൽ തിളങ്ങി : മോണ്ടിസോറി

 BLOG No: 7

ഇറ്റലിയിൽ സ്കൂളുകളുടെ എണ്ണം കൂടുന്നതിനൊപ്പം തന്നെ അന്താരാഷ്ട്രതലത്തിലും മോണ്ടിസ്സോറി സമ്പ്രദായത്തിന് പ്രചാരം വന്നിരുന്നു . അങ്ങനെ അന്താരാഷ്ട്രതലത്തിലുള്ള ആളുകൾ അതായത് ഇറ്റലിക്ക് പുറത്തു നിന്നുള്ള ആളുകൾ 1909 കാലഘട്ടത്തിൽ മോണ്ടിസ്സോറി സ്കൂളുകൾ സന്ദർശിക്കാൻ വന്നുതുടങ്ങി . അതിൽ നിരീക്ഷകർ ഉണ്ടായിരുന്നു വിദ്യാഭ്യാസ വിദഗ്ധർ ഉണ്ടായിരുന്നു അങ്ങനെ പല രീതിയിലുള്ള ആളുകൾ ഉണ്ടായിരുന്നു . പെട്ടെന്നുതന്നെ മോണ്ടിസ്സോറിയുടെ വർക്കുകൾ മറ്റു രാജ്യങ്ങളിലേക്ക് വ്യാപിക്കാൻ (spread) തുടങ്ങി . 1911 - ന്റെ അവസാനത്തിൽ മോണ്ടിസ്സോറി വിദ്യാഭ്യാസ സമ്പ്രദായം ഔദ്യോഗികമായി തന്നെ ഇറ്റലിയിലെയും സ്വിറ്റ്സർലൻഡിലെയും സ്കൂളുകളിൽ നടപ്പിലാക്കി തുടങ്ങി . അതോടൊപ്പം തന്നെ യു.കെ. യിൽ (U K) നടപ്പിലാക്കാൻ നടപടികൾ കൈക്കൊള്ളുകയും ചെയ്തു . 1912 - ൽ പാരീസിലും (Paris) മറ്റ് വെസ്റ്റേൺ യൂറോപ്യൻ സിറ്റികളിലും (Other western European cities) മോണ്ടിസ്സോറി സ്കൂളുകൾ തുടങ്ങി. അർജൻറീന (Argentina) , ഓസ്ട്രേലിയ (Australia) , ചൈന (China) , ഇന്ത്യ (India) , ജപ്പാൻ (Japan) , കൊറിയ (Korea) , മെക്സിക്കോ (Mexico) , സ്വിറ്റ്സർലാൻഡ് (Switzerland) , സിറിയ (Syria) , അമേരിക്ക (America) , ന്യൂസിലൻഡ് (New Zealand) എന്നീ രാജ്യങ്ങളിൽ മോണ്ടിസ്സോറി സ്കൂളുകൾ തുടങ്ങുവാനുള്ള പദ്ധതികൾക്ക് തുടക്കം ആവുകയും ചെയ്തു . ലണ്ടൻ (London) , ജോഹന്നാസ്ബർഗ് (Johannesburg) , സ്റ്റോക്ക്ഹോം (Stockholm) , റോം (Rome) എന്നീ പട്ടണങ്ങളിൽ മോണ്ടിസ്സോറി വിദ്യാഭ്യാസ സമ്പ്രദായത്തെ കുറിച്ചുള്ള പബ്ലിക് പ്രോഗ്രാമുകൾ സംഘടിപ്പിക്കപ്പെട്ടു . പ്രോഗ്രാമുകൾ സംഘടിപ്പിക്കപ്പെട്ട സ്ഥലങ്ങളിലെല്ലാം തന്നെ മോണ്ടിസ്സോറി സമ്പ്രദായം സ്കൂളുകളിൽ നടപ്പിൽ വരുത്തുകയും ചെയ്തു . അതോടൊപ്പം തന്നെ മോണ്ടിസ്സോറി സൊസൈറ്റികൾ രൂപംകൊണ്ടു . അക്കാലത്ത് രൂപംകൊണ്ട ചില പ്രധാന മോണ്ടിസ്സോറി സൊസൈറ്റികൾ ആണ് യു എസ് - ല് (U S) രൂപംകൊണ്ട ദി അമേരിക്കൻ മോണ്ടിസ്സോറി കമ്മിറ്റിയും (The American Montessori committee) ക്ക് - യില് രൂപംകൊണ്ട ദി മോണ്ടിസ്സോറി സൊസൈറ്റി ഫോർ ദ യുണൈറ്റഡ് കിങ്ഡമും (The Montessori society for the united kingdom) ഒക്കെ . 1913 - ലും 1914 - ലും റോമിൽ വച്ച് ഓരോ അന്താരാഷ്ട്രതലത്തിലുള്ള മോണ്ടിസ്സോറി ട്രെയിനിംങ്ങ് കോഴ്സുകളും നടത്തപ്പെട്ടു.

മോണ്ടിസ്സോറിയുടെ വർക്കുകൾ വ്യാപകമായി വിവിധ ഭാഷകളിൽ പ്രസിദ്ധീകരിക്കപ്പെടുകയും ചെയ്തു . അതിൽ പ്രധാനപ്പെട്ടതാണ് യുഎസിൽ (U S) പ്രസിദ്ധീകരിച്ച് , ബെസ്റ്റ് സെല്ലറായി മാറിയ ദി മോണ്ടിസ്സോറി മെത്തേഡ് സയന്റിഫിക്ക് പെഡഗോഗി ആസ് അപ്ലൈഡ് ടു ചൈൽഡ് എഡ്യൂക്കേഷൻ ഇൻ ചിൽഡ്രൻസ് ഹൗസസ്സ് ( The Montessori Method: Scientific Pedagogy as Applied to Child Education in "The Children's Houses" ) എന്നത് . പുറകെ ബ്രിട്ടീഷ് സ്വിസ്സ് എഡിഷനുകളും (British swiss edition) പ്രസിദ്ധീകരിക്കപ്പെട്ടു. 

1913 - ൽ ഒരു റിവൈസ്ഡ് ഇറ്റാലിയൻ എഡിഷൻ (Revised Italian Edition) പ്രസിദ്ധീകരിക്കപ്പെട്ടു . പിന്നെ 1913 - ൽ റഷ്യൻ പോളിഷ് എഡിഷനുകൾ (Russian polish edition) , 1914 ൽ ജർമൻ ജാപ്പനീസ് റൊമാനിയൻ എഡിഷനുകൾ (German Japanese Romanian edition) , 1915 ൽ സ്പാനിഷ് എഡിഷൻ (Spanish Edition) , 1916 - ൽ ഡച്ച് എഡിഷൻ (Dutch edition Montessori) , 1917 ൽ സാനിഷ് എഡിഷൻ എന്നിവയും പുറത്തിറങ്ങി. 1913 - ൽ ഇംഗ്ലീഷ് ഭാഷയില് പെഡഗോഗിക്കൽ ആന്ത്രോപോളജി (Pedagogical Anthropology) പബ്ലിഷ് ചെയ്യപ്പെട്ടു . 1914 - ൽ മരിയ മോണ്ടിസ്സോറി തന്നെ ഇംഗ്ലീഷിൽ ഒരു പുസ്തകം പ്രസിദ്ധീകരിച്ചു . ഇത് മോണ്ടിസ്സോറി ഡവലപ്പ് ചെയ്ത വിദ്യാഭ്യാസ സമ്പ്രദായത്തിന്റെ , അതുപോലെതന്നെ മെറ്റീരിയലുകളുടെ ഒക്കെ ഒരു പ്രാക്ടിക്കൽ ഗൈഡ് (Practical guide) ആയി അംഗീകരിക്കപ്പെട്ട ഡോ. മോണ്ടിസ്സോറീസ് ഓൺ ഹാൻഡ് ബുക്ക് ( Dr. Montessori's Own Handbook) എന്ന് അറിയപ്പെടുന്നത് . കൂടുതൽ അറിയൻ തുടർന്നുള്ള ലേഖനങ്ങൾ നിങ്ങളെ സഹായിക്കും