മോണ്ടിസ്സോറിയുടെ ജീവിത വഴികളിലൂടെ..(Life of Montessori)

 മോണ്ടിസ്സോറിയുടെ ജീവിത വഴികളിലൂടെ..

 BLOG No: 3

ഡോക്ടർ മരിയ മോണ്ടിസ്സോറിയുടെ കുടുംബം പിതാവിൻറെ ജോലിസംബന്ധമായ കാരണങ്ങളാൽ 1873 - ൽ ഫ്ലോറൻസ് സിറ്റിയിലേക്കും (Florence City) 1875 ൽ റോമിലേക്കും (Rome) താമസം മാറിയിരുന്നു. 1876 - ൽ അതായത് മോണ്ടിസ്സോറിയുടെ ആറാമത്തെ വയസ്സിൽ അവർ സ്കൂളിൽ പോയി തുടങ്ങി. പതിമൂന്നാമത്തെ വയസ്സിൽ അവർ സെക്കൻഡറി എജുക്കേഷന് (Secondary Education) ചേർന്ന് ഇറ്റാലിയൻ (Italian) , ഗണിതശാസ്ത്രം (arithmetic) , ബീജഗണിതം (algebra) , ജ്യാമിതി (geometry) , അക്കൌണ്ടിംഗ് (accounting) , ചരിത്രം (history) , ഭൂമിശാസ്ത്രം (geography) , ശാസ്ത്രം (science) എന്നീ വിഷയങ്ങൾ പഠിച്ചു, നല്ല ഗ്രേഡോടുകൂടി പരീക്ഷകൾ (Examinations) പാസ്സ് ആവുകയും ചെയ്തു. പതിനാറാം വയസ്സിൽ അവർ വിദ്യാഭ്യാസം തുടർന്നു അവിടെ ഗണിതത്തിലും (Mathematics) ശാസ്ത്രത്തിലും (Science) ആണ് അവർ നല്ല പ്രകടനം കാഴ്ചവച്ചത് . 1890 - ൽ അവരുടെ ഇരുപതാം വയസ്സിൽ ആ പഠനവും പൂർത്തിയാക്കി . പിന്നെ 1892 - ൽ ഡിപ്ലോമ. അതിനുശേഷം 1893 - ൽ മെഡിക്കൽ (Medical Admission) വിദ്യാഭ്യാസത്തിന് പ്രവേശനം . അക്കാലത്ത് ഇറ്റാലിയൻ രീതികൾ അനുസരിച്ച് പെൺകുട്ടികൾ മെഡിക്കൽ വിദ്യാഭ്യാസം (Medical Education) തിരഞ്ഞെടുക്കാറുണ്ടായിരുന്നില്ല . പക്ഷേ എൻജിനീയറിങ് (Engineering) പഠിക്കാൻ തീരുമാനിച്ച മോണ്ടിസോറി പെട്ടെന്ന് മനസ്സു മാറി മെഡിക്കൽ പഠനം തിരഞ്ഞെടുക്കുകയാണുണ്ടായത്. 

അവിടെ, അവർ ഒരു പെൺകുട്ടിയായിരുന്നതിന്റെ പേരിൽ സഹപാഠികളിൽ നിന്നും അധ്യാപകരിൽ നിന്നും പലരീതിയിലുള്ള അധിക്ഷേപങ്ങൾ നേരിടേണ്ടി വന്നിരുന്നു. പക്ഷേ എല്ലാ പ്രതിബന്ധങ്ങളെയും മറികടന്ന് 1896 - ൽ അവർ മെഡിക്കൽ പഠനം പൂർത്തിയാക്കി ഇറ്റലിയിലെ ആദ്യ വനിതാ ഡോക്ടർ ആയി മാറി  (Become the first Lady Physician in Italy).

1896 മുതൽ 1901 വരെ അവർ സ്പെഷ്യൽ കെയർ (Special Care) ആവശ്യമുള്ള കുട്ടികളെ കുറിച്ചുള്ള റിസർച്ചിൽ (Research) ഏർപ്പെടുകയും, ധാരാളം യാത്രകൾ ചെയ്യുകയും, പഠിക്കുകയും, പ്രഭാഷണങ്ങൾ നടത്തുകയും (Montessori’s Speech) , എഴുതുകയുമൊക്കെ (Montessori Books) ചെയ്തു. അതിനിടയ്ക്ക് 1898 - ൽ അവർക്ക് ഒരു മകൻ ജനിച്ചു. മാരിയോ മോണ്ടിസ്സോറി (Mario Montessori) എന്നായിരുന്നു മകൻറെ പേര്. പക്ഷേ മോണ്ടിസ്സോറിയുടെ കരിയറിനെ ബാധിക്കാതിരിക്കാൻ മാരിയോ മോണ്ടിസ്സോറിയുടെ പിതാവുമായുള്ള ബന്ധം രഹസ്യമാക്കി വെച്ചു. പക്ഷേ അവർ തമ്മിൽ ഒരു ധാരണയുണ്ടായിരുന്നു രണ്ടുപേരും വേറെ വിവാഹം കഴിക്കില്ല എന്ന്.  ജിസെപ്പി മോണ്ടിസ്സാനോ (Maria Montessor’s Husband Giuseppi Montesano) എന്നായിരുന്നു അദ്ദേഹത്തിൻറെ പേര് . അദ്ദേഹം മോണ്ടിസ്സോറിയുമായുള്ള ധാരണ തെറ്റിച്ച് വേറെ വിവാഹം കഴിച്ചു എന്നത് പിന്നീടുള്ള കഥ. അങ്ങിനെ മോണ്ടിസ്സോറി ജോലി ചെയ്തിരുന്ന ആശുപത്രിയിൽ നിന്നും ജോലി ഉപേക്ഷിച്ച് മകനെ ഒരു വെറ്റ് നഴ്സിനെ ഏൽപ്പിച്ച് പോയി. പിന്നെ മാരിയോ മോണ്ടിസ്സോറിയുമായി വീണ്ടും ഒരുമിക്കുന്നത് അവൻറെ ടീനേജ് കാലഘട്ടത്തിലാണ്. അവൻ അവൻറെ അമ്മയ്ക്ക് നല്ല ഒരു അസിസ്റ്റൻറ് ആയി മാറി.

അങ്ങിനെ ചുരുക്കി പറഞ്ഞാൽ 1896 - ൽ റിസർച്ച് (Montessori Research) , 1897 - ൽ പഠിച്ചിരുന്ന സ്ഥലത്തുതന്നെ അതായത് യൂണിവേഴ്സിറ്റി ഓഫ് റോമില് (University of Rome) വളണ്ടറി അസിസ്റ്റൻറ് (Voluntary assistant) ആയി നിയമനം, 1897 - 1899 കാലഘട്ടത്തിൽ പൊതുപ്രവർത്തനം (Social Work), 1900 - ൽ നാഷണൽ ലീഗ് ആരംഭിച്ച ടീച്ചർ ട്രെയിനിങ് സ്ഥാപനത്തിൽ (Teacher training Institute) കോ-ഡയറക്ടറായി (Co-director) നിയമനം.1901 മുതൽ 1906 വരെ മോണ്ടിസ്സോറി ജോലി ഉപേക്ഷിച്ച് ഫിലോസഫി പഠനത്തിന് ചേർന്നു . മോണ്ടിസ്സോറി വിദ്യാഭ്യാസ സമ്പ്രദായത്തിന്റെ തുടക്കം അടുത്ത ലേഖനത്തിൽ വിശദമാക്കാം.