ഉയർന്ന നിലവാരം : ചെറുപ്പം മുതൽ കുട്ടികളെ പരിശീലിപ്പിക്കാം

 ഉയർന്ന നിലവാരം : ചെറുപ്പം മുതൽ കുട്ടികളെ പരിശീലിപ്പിക്കാം

 BLOG No: 6

മോണ്ടിസ്സോറിയുടെ ആദ്യ സ്കൂൾ എന്നത് വൻവിജയമായി. അങ്ങനെ 1907 ഏപ്രിൽ ഏഴിന് രണ്ടാമത്തെ സ്കൂളും ആരംഭിച്ചു . മോണ്ടിസ്സോറിയുടെ സ്കൂളിൽ പഠിച്ചിരുന്ന കുട്ടികൾ മറ്റ് സമ്പ്രദായത്തിൽ പഠിച്ചിരുന്ന കുട്ടികളെക്കാൾ ഏകാഗ്രത (Concentration) , ശ്രദ്ധ (Attention) , അതിയായ സെൽഫ് ഡിസിപ്ലിൻ (Self discipline) എന്നിവയൊക്കെ പ്രദർശിപ്പിച്ചിരുന്നു . ഈ ഉയർന്ന നിലവാരം പുലർത്തിയിരുന്നവരൊക്കെ വളരെ താഴ്ന്ന വരുമാനമുള്ള മാതാപിതാക്കളുടെ കുട്ടികളായിരുന്നു . ഈ മാറ്റം പതിയെ പുറംലോകം അറിഞ്ഞു തുടങ്ങി . പ്രമുഖ എഴുത്തുകാർ , ജേർണലിസ്റ്റ് (Journalist) , മഹത് വ്യക്തിത്വങ്ങൾ ഒക്കെ ഇതിനെക്കുറിച്ച് അറിഞ്ഞ് , എന്താണ് നടക്കുന്നത് എന്നറിയാൻ അന്വേഷിച്ച് എത്തിത്തുടങ്ങി.

മോണ്ടിസ്സോറി റീഡിങ് ആൻഡ് റൈറ്റിംഗ് പ്രാക്ടീസസ് ഒന്നും കുട്ടികൾക്ക് കൊടുത്തിരുന്നില്ല . 1907 - ൽ മോണ്ടിസോറി കുട്ടികൾക്ക് എഴുത്തും വായനയും പരിശീലിപ്പിക്കാനുള്ള മെറ്റീരിയൽസ് ചിലത് പരീക്ഷിച്ചു തുടങ്ങി . സാൻഡ്പേപ്പർ ലെറ്റർ കാർഡുകൾ (Sandpaper letter cards) , ബോർഡിൽ ഒട്ടിക്കാൻ അല്ലെങ്കിൽ പിടിപ്പിക്കാൻ പറ്റുന്ന ലെറ്റർ കാർഡുകൾ , പിക്ചർ കാർഡ് വിത്ത് ലേബൽ ഇവയൊക്കെയാണ് പരീക്ഷിച്ചത് . ഇന്നത്തെകാലത്ത് മാ​ഗ്നറ്റിക് ലറ്റേഴ്സ് (magnetic letters) , ഫിംഗർ ക്യാപ്സ് (finger caps) എന്ന രീതിയിലൊക്കെ ഇത് ലഭ്യമാണ് . അന്ന് മോണ്ടിസ്സോറി ഇതൊക്കെ കൈകൊണ്ട് ഉണ്ടാക്കുകയാണ് ചെയ്തിരുന്നത് . 4 - 5 വയസ്സുള്ള കുട്ടികൾക്ക് ഇത് വളരെ ഇഷ്ടപ്പെട്ടു എന്ന് മാത്രമല്ല അവർ ഇത്തരം മെറ്റീരിയൽസ് കൂടുതലായി ഉപയോഗിച്ചു തുടങ്ങി . മോണ്ടിസ്സോറി തന്നെ അത്ഭുതപ്പെട്ടുപോയി കാരണം അവർ പ്രതീക്ഷിച്ചതിനേക്കാൾ കുട്ടികൾ എഴുതുന്നതിനും വായിക്കുന്നതിനും വളരെ പെട്ടെന്ന് തന്നെ പ്രൊഫിഷ്യന്റ് (Proficient) ആയി മാറി . ഈ കാരണം കൊണ്ട് തന്നെ മോണ്ടിസ്സോറിയുടെ വിദ്യാഭ്യാസ സമ്പ്രദായത്തിന് ഒന്നുകൂടി കൂടുതൽ പ്രചാരം ലഭിച്ചു .

അങ്ങനെ ,1908 - ൽ മൂന്ന് ചിൽഡ്രൻസ് ഹൗസുകൾ കൂടി ആരംഭിച്ചു . അന്നത്തെ കാലത്ത് സ്വിറ്റ്സർലൻഡിലെ അതായത് ഇറ്റാലിയൻ സ്വിറ്റ്സർലൻഡിലെ (Italian Switzerland) പ്രചാരത്തിലുണ്ടായിരുന്ന വിദ്യാഭ്യാസ സമ്പ്രദായമാണ് ഫ്രോബെലിയൻ മെത്തേഡ് (Froebelian method) . ഫ്രോബെലിയൻ മെത്തേഡ് (Froebelian method) എന്നു പറഞ്ഞാൽ കുട്ടികൾ അവരുടെ ആശയങ്ങൾ (​Ideas) അവരുടെ തന്നെ മാർഗ്ഗങ്ങളിലൂടെ പ്രകടിപ്പിക്കുന്ന രീതി . സ്വിറ്റ്സർലൻഡിലെ ഇറ്റാലിയൻ ഭാഷ സംസാരിക്കുന്ന പ്രദേശങ്ങളെയാണ് ഇറ്റാലിയൻ സ്വിറ്റ്സർലൻഡ് എന്ന് പറയുന്നത് . 1909 - ൽ ഈ പറഞ്ഞ ഇറ്റാലിയൻ സ്വിറ്റ്സർലൻഡിൽ ഫ്രോബെലിയൻ മെത്തേഡ് (Froebelian method) മാറ്റി ഓർഫനേജുകളിലും കിന്റർഗാർഡൻസിലുമൊക്കെ മോണ്ടിസ്സോറി സമ്പ്രദായം നടപ്പിലാക്കി തുടങ്ങി . 

1909 ഇറ്റലിയിലെ സിറ്റ ഡി കാസ്റ്റല്ലോ (Citta die Castello ) എന്ന സിറ്റിയിൽ വെച്ച് മോണ്ടിസ്സോറി അവരുടെ ആദ്യത്തെ ടീച്ചർ ട്രെയിനിങ് കോഴ്സ് നടത്തി . അതേ വർഷം മോണ്ടിസ്സോറി അവരുടെ നിരീക്ഷണങ്ങളെ കുറിച്ചും വിദ്യാഭ്യാസ രീതികളെക്കുറിച്ചും അവരുടെ ഒരു ബുക്കിൽ വിവരിക്കുകയും ചെയ്തു . ദി മോണ്ടിസ്സോറി മെത്തേഡ് : സയന്റിഫിക് പെഡഗോഗി ആസ് അപ്പ്ലൈഡ്‌ ടു ചൈൽഡ് എഡ്യൂക്കേഷൻ ഇൻ ദി ചിൽഡ്രൻസ് ഹൗസസ്സ് (The Montessori Method: Scientific Pedagogy as Applied to Child Education in the Children's Houses ) എന്നായിരുന്നു ബുക്കിന്റെ പേര്  . 1910 - ൽ 2 ടീച്ചർ ട്രെയിനിങ് കോഴ്സുകൾ കൂടി റോമിൽ വച്ച് നടത്തി . 1911 - ൽ മിലാനിൽ വെച്ച് ഒരെണ്ണം കൂടി നടത്തി . മോണ്ടിസ്സോറിയുടെ വിദ്യാഭ്യാസ സമ്പ്രദായത്തിന് , അവരുടെ വർക്കുകൾക്ക് അന്താരാഷ്ട്ര തലത്തിൽ തന്നെ അംഗീകാരം കിട്ടിത്തുടങ്ങി . അവരുടെ വിദ്യാഭ്യാസ സമ്പ്രദായം കൂടുതൽ വികസിപ്പിക്കുന്നതിനും ടീച്ചർമാർക്ക് ട്രെയിനിങ് കൊടുക്കുന്നതിനും വേണ്ടി മെഡിക്കൽ പ്രാക്ടീസ് നിർത്തി . അങ്ങനെ സമയം തീരെ ഇല്ലാതായപ്പോൾ അവർ അവരുടെ യൂണിവേഴ്സിറ്റി ഓഫ് റോമിലെ (University of Rome) ജോലിയും ഉപേക്ഷിച്ചു . മോണ്ടിസ്സോറിയുടെ വിദ്യാഭ്യാസ സമ്പ്രദായം ഇറ്റലിക്ക് പുറത്ത് മറ്റ് രാജ്യങ്ങളിൽ  പ്രചാരം നേടിയതിനെക്കുറിച്ച് അടുത്ത ലേഖനത്തിൽ പറയാം .